Sjors Veninga uit Drachtstercompagnie

It Fjoer fan de Merskenkamp

Yn Bakkeveen, krekt nei trijeën, woedde in bysûnder fjoer oan de Merskenkamp. Jildert, in âld-man mei geheime bakkeunsten, wie dwaande mei syn ferneamde sjippekoeken doe’t syn âlde frituerpan – en de geast dy’t dêryn wenne – wekker waard.

Ynienen spatten blauwe en griene flammen út de pan, sprongen nei de ôfsûging en it plafond, en foarmen in reekdraak dy’t de keamer besette. De brânwacht kaam rap yn aksje, sloech troch it dak en ferdreau it fjoer mei wetter en byl.

Doe’t de reek opklaarde, stie Jildert der noch, mar syn keuken wie in swart ruïne. “No,” murk er op, “moarn mar in nij resept sûnder fjoergeasten!” Mar guon sizze dat se noch altyd in lichte gloede sjogge yn ’e nacht… en in rook fan sjippekoeken yn ’e loft.