17.2 °C

Wâldhûs út Damwâld opnij bewenne

vr 25 januari 2002 14.54 uur

DAMWâLD - In Wâldhuske út Damwâld wurdt opnij bewenne troch
in noch út te sykjen famylje mei minimaal fiif
bern. It Openluchtmuseum fan Arnhem is op syk nei
sa'n famylje mei safolle bern dy't foar twa dagen
oernachtsje wolle yn it húske.

It húske, makke yn 1880, is yn 1997 ôfbrutsen en
oerbrocht nei Arnhem en dêr opnij opboud yn it
museum. Ein maart kinne besikers dan yn it echt
sjen hoe't in Fryske arbeidersfamylje in 1947
sa'n húske bewenne. It museum is fan doel om de
noch te finen famylje foar en nei de tiid goed te
beleanen as kompensaasje.

 

Heb je een tip? WhatsApp!
Stuur je bericht, foto of video via:
+31638400733 of via de tiplijn

Regionaal nieuws