Fjouwer Fryske trûbadoers op CD

E-mail

Facebook

Threads

Twitter / X

WhatsApp

Kopieer link

2 reacties

DRACHTEN - It is slagge. Tongersdei 1 juli de foarôf stelde
datum fan útbringen fan de trûbadoers-cd ‘Der
Tuskenút’ is helle. De cd is de wjerslach fan it
mienskiplike muzykprojekt fan fjouwer Fryske
trûbadoers: Doede Veeman, Gurbe Douwstra, Jaap
Louwes en Piter Wilkens.

‘Der Tuskenút’ is foar it grutste part in live-cd
mei opnames fan de trûbadoerskonserten, dy’t sy
foarich jier mei harren fjouweren jûn ha rûnom yn
Fryslân. Dy 13 live-opnames binne oanfolle mei
fjouwer nije lieten, dy’t Doede, Gurbe, Jaap en
Piter meiinoar skreaun ha en dy’t ûnderdiel binne
fan it nije programma fan de trûbadoerskonserten.

De première fan dit nije programma is op
sneintemiddei 29 augustus yn de teatertún yn
Riis. Dêrnei folgje trûbadoersjûnen yn de Lawei
yn Drachten, op freed 15 oktober, yn de Colle yn
Kollum, freed 22 oktober, op ‘e Jouwer, freed 29
oktober en as lêste op freed 5 novimber yn Groot
Terhorne yn Bitgum. Foar de measte fan dizze
konserten is de kaartferkeap yntusken úteinset.

It programma fan sil der wer oars útsjen as yn
2003. Mear nije lieten fan de fjouwer trûbadoers
apart en ek mear nije lieten tegearre. Yntusken
wurdt troch de fjouwer trûbadoers de lêste hân
lein oan dit junfoljende programma.

E-mail

Facebook

Threads

Twitter / X

WhatsApp

Kopieer link

2 reacties